3 pamilya ru nabuligan it BRIGADA News FM Kalibo matapos mag pangayo it bulig sa saueod eamang it sang Domingo.
Unang nag pangayo it bulig pinaagi sa personal nga nag-adto sa BRIGADA News FM Kalibo News Center si Mrs. Gemma Magbanua it Brgy. Brionesm Kalibo.
Apektado ru pamilya Magbanua ag mga kaeapit baeay sa mabahong hugom it piggery nga kaabu-an kanda hay naga maeasakit.
Nalisdan maginhawa ag naga suffer it hapo o asthma.
Matapos nga ma check it Kalibo Sanitary Inspector sa mandu ni Kalibo Mayor Juris Sucro, eagi nga gin pasarado ru piggery nga kunsiin, gin reklamo eon kato pa sa dating adminsitrasyon.
Sinundan it 16 ka mga workers it ARRL Cable Installation Services nga gin terminate it JDN OSP Designs and Services sa sangka barracks sa Brgy. Ugsod, Banga, Aklan.
Uwa pagsweldohi ag uwa eon it gina kaon rason nga pangatubang it gutom ag mga kautangan sa mga Baraka.
Pinaagi sa BRIGADA News FM Kalibo sa pag communicar ni Station Manager Joemer Soriano kay DSWD Secretary Erwin Tulfo, naactionan nga maipauli sa gin halinan nga mga lugar sa Laguna ag Cavite.
Eagi man nga nag-action si DSWD Region 6 Director Evelyn Macapobre para imbistigahan ru mga workers sa probinsya’t Aklan.
Samtang, pina agi man sa BRIGADA News FM Kalibo, nabuligan man ru pamilya Diche it Brgy. Camanci Norte, Numancia para maipauli sa Aklan ru may sakit nga igmanghod sa Caloocan City.
Nakipagbueoligan man ru local nga pamunu-an it Caloocan para maipa sakay sa Roro vessel byaheng Caticlan sa Aklan.
Sa makaron, kaibahan eon ni Michael Diche ru may sakit nga manghod it Edwin Diche nga sangka dispatcher it Westmint Terminal nga nag pangayo it bulig sa BRIGADA News FM Kalibo.//MARIVIC Y. ILIN
