NAGMALINAWON ang tulo kaadlaw nga selebrasyon sa Sarangani bay festival sa Gumasa, Glan, Sarangani Province nga nahuman kagahapon, Mayo 26 ug wala matud pay natala nga krimen ang kapulisan.
Matud sa Director sa Sarangani Police Provincial Office nga si PCol. Deanry Francisco, molungtad pa karong adlawa ang deployment sa kapulisan sa lugar hangtod nga mahapsay na ang dapit ug makauli na ang tanang tawo.
Nagpasalamat kini sa tanan nga mitabang aron mamintina ang kalinaw sa lugar.
Gilaoman sa opisyal nga sa umaabot pa nga mga selebrasyon padayon nga magkooperar ang mga tawo sa otoridad aron walay matala nga kriminalidad. I Enamie Mogpon
