SORSOGON CITY – Bukas na para sa pagbibigay serbisyo ang mga bagong gusali ng pamahalaan ng Sorsogon para sa pangangalaga ng ating alagang hayop.
Itinayo ang mga bagong pasilidad sa Brgy. Cogon sa bayan ng Juban. Binubuo ito ng bagong opisina ng Provincial Veterinary, Animal Shelter, at Animal Diagnostics Laboratory.
May kakayanan ang mga bagong pasilidad hindi lamang sa konsultasyon, kundi maging sa panggagamot, laboratory at surgery.
Magsisilbi namang pansamantalang tahanan ng mga nahuling asong gala ang animal shelter at dito gagawin ang eksaminasyon, gamutan at rehabilitasyon.
Layon ng buong pasilidad na mapangalagaan ang kapakanan ng mga hayop, base na rin sa RA 8485 o ang Animal Welfare Act.
PHOTO: SPIO
