Gibutyag sa Davao City Vaccination Cluster nga anaa na sa 28% sa Dabawenyos ang fully vaccinated, unom ka bulan sukad gisugdan ang vaccination.
Sumala kang Covid-19 Task Force spokesperson Dr. Michelle Schlosser, 49 percent sa Dabawenyos ang vaccinated sa first dose o 590,318.
Samtang gisaysay usab sa opisyal nga makatabang sa paspas nga roll out ang set-up and go ug sectoral vaccination lakip na ang mobile vaccination alang sa isolated and disadvantaged areas (Gidas).
Giangkon ni Schlosser nga kaya sa vaccination cluster ang logistics ug manpower sa gipaninguhang herd immunity apan magdepende gihapon kini sa alokasyon.
Naglaum ang health sector nga pinaagi sa hangyo ni Mayor Inday Sara Duterte sa national government makab-ot ang 15,000 vaccinees kada adlaw human usab gidugangan ang mga vaccination site sa syudad nga niabot na karon sa 20. BNFM-DAVAO
