Mikabat pa sa kapin 25,000 ka indibidwal ang nasikop gumikan sa mga nagkadaiyang kalapasan sukad nga subling gibalik ang siyudad sa pagpailalom sa Modified Enhance Community Quarantine (MECQ).
Sumala kang Davao City Police Office Director Police Col. Kirby John Kraft, gikan Hunyo 5 hangtud na Hunyo 28, mikabat sa kapin 25 mil na ang ilang nasikop.
Nag-una sa dunay pinakadaghang milapas ang wala nagsuot og faceshield nga anaa sa 8,112; wala nagsuot ug facemask anaa sa 6,632 samtang anaa sab sa 5,494 ang wala misunod sa Mass gathering o social distancing.
Sa laing bahin, gibutyag sa opisyal nga wala nay idugang pa nga quarantine control point bisan pa man nga gilugwayan ang mecq sugod karong adlawa Hulyo 1 hangtud na sa Hulyo 15 karong tuiga. BNFM-DAVAO
