GIPABORAN sa duha ka kagawad sa barangay ang pahayag ni Konsehal Dominador Lagare Jr. nga ibawal na ang paghimo og sidecar sa tricycle aron ipamasada sa kadalanan sa syudad.
Sa bahin sa Labaw sa Komitiba sa Transportasyon sa Fatima nga si Sammer Badtigan uyon siya sa pahayag sa konsehal isip labaw sa Committee on Transportation sa rason nga subra ka daghan ang naga pamasada nga tricycle.
Gidugang ni Badtigan nga sa ilang barangay aduna usab silay resolusyon nga gipasa nga ibawal na ang pag manufacture sa tricycle o sikad sidecar, na-aprubahan daw kini sa milabay pa nga tuig sa ilang barangay sa unang imventory sa tricycle sa tuig 2019 pa lang niabot na sa tulo ka libo ang ihap mao mga nagduso usab sila og resolusyon.
Nasuta usab nila nga ang uban nagapalit og sidecar sa ubang lugar unya gina display sa FilAm Road unya aduna usab daw silay na monitor nga unom ka tighimo og sidecar.
Sa panglantaw usab ni Kagawad Richard Casabuena sa Barangay City Heights pabor siya sa pagpaundang na sa paghimo og tricycle sidecar kay bisan sa ilang kadalanan naga subra ang traffic gumikan luwas sa tricycle naa pa ang mga sikad, wala lang siya masayod kon pila ka unit ang nagadagan sa ilang lugar.
Managsama usab ang duha sa panglantaw nga dugay na napasa ang ordinansa nga naga regulate sa paghimo og sidecar apan dili hingpit ang pagpatuman sa syudad mao nga panahon na nga ipatuman. I Ver Diazon
