‘FACEMASK’
DILI pabor ang usa ka health official sa GenSan sa rekomendasyon sa Inter-Agency Task Force of Emerging Infectious Diseases (IATF) kalabut sa boluntaryo nga pagsuot og face mask sa mga open spaces.
Matud ni Dr. Karl Ivan Igrobay, deputy vaccination officer sa City Health Office (CHO) dili pa panahon sa maong lakang. Partikular sa siyudad asa padayon ang pagsaka sa ihap sa bag-ong kaso sa Covid-19 ug ubos ang turnout sa booster shots.
“As of present lalo na tumataas pa yung kaso natin, we still can’t let our guards down,” asoy ni Dr. Igrobay. Sa karon, padayon ang panawagan nila sa mga residente sa siyudad sa pagsuot og face mask isip proteksyon batok Covid-19.
Una nang, gibutyag ni Dr. Igrobay nga luyo sa pabiling ‘low risk’ ang Covid-19 situation. Nakita nila ang pagkatala sa siyudad og two-digit-number gikan nakalabay’ng semana. Naa pa usab sa 44% ang booster dose turnout.
Butyag ni Press Secretary Trixie Cruz-Angeles ang rekomendasyon sa IATF’s nga mahimong opsyonal ang paggamit og face mask sa open spaces o non-crowded outdoor areas nga dunay good ventilation kung mosaka ang ihap sa nagpa-booster sa nasud. Giklaro usab niini nga dili pa kini polisiya apan ang pilot testing sa opsyonal nga paggamit og face mask ang himoon bag-o mahuman ang tuig. I Richel Gubalani
