WALA pa ginatugotan sa taga City Veterinary Office ang taga Barangay Baluan nga subli nga makabuhi og baboy gumikan bag-o pa ang natala nga may nagpositibo sa African Swine Fever (ASF) sa ilang lugar.
Sa paghinabi sa Brigada kay Dr Emilio Gargaran gisulti niini nga wala pa nila gitugotan nga subli nga makabuhi og baboy ang taga Baluan gumikan bag-o pa ang kaso sa ASF sa mao nga lugar magpahigayon pa sila og subli nga disinfection sa mga tangkal.
Gidugang ni Gargaran nga adlaw adlaw usab ang ilang monitoring sa mga baboy sa tanang mga barangay ug wala daw bag-ong kaso sa ASF.
Ang syudad naa daw sa Green Zone, pasabot nga bisan asa makapasulod og supply sa baboy ang taga Gensan, ang mga commercial hog raisers padayon sumala pa ang ilang negosyo kay ang mga backyard hog raisers ang na apektohan. I Ver Diazon
