MIKABAT sa 2.4 Milyon ang natala nga damyos sa nasunog nga meatshop sa Purok Maliwanag, Barangay Calumpang, GenSan kini basi sa gisumite nga affidavit of fire loss sa tag-iya nga pamilyang Casipe.
Sumala ni SFO1 Nituel Bacate Investigator sa BFP-Calumpang substation electrical malfunction ang nakita nila nga hinungdan sa sunog tungod sa karaan nga wire sulod sa opisina sa tindahan kung asa nagsugod ang kalayo.
Butyag ni Bacate giisyuhan na sa BFP-Central Office og clearance ang tag-iya aron masugdan ang reconstruction sa tindahan og makapadayon sa pagmaligya ang tag-iya.
Tungod nahurot kaugdaw sa sunog ang mga tinda nga karne, bugas ug uban pa. Kahibaloan Hunyo 6 sa kadlawon upat ka firetruck ug dili muubos sa pulo ka bombero ang mirespondi sa sunog sa National Highway, Purok Maliwanag, Barangay Calumpang ning dakbayan. I Enamie Mogpon
