Binypass ng makapangyarihang Commission on Appointments (CA) ang 15 appointees ni Pangulong Bongbong Marcos, Jr.
Kabilang sa mga ito sina Victor Rodriguez – Executive Secretary; Trixie Cruz-Angeles – Press Secretary; Raphael Lotilla – DOE Secretary; Benjamin Diokno – DOF Secretary; Rizalino Acuzar – DHSUD Secretary; Ivan Uy – DICT Secretary; Susan Ople – DMW Secretary; Manuel Bonoan – DPWH Secretary; Renato Solidum Jr. – DOST Secretary; Erwin Tulfo – DSWD Secretary; Alfred Pascual – DTI Secretary; Jaime Bautista – DOTr Secretary; Arsenio Balisacan – NEDA Secretary; Jose Calida – COA chairman at Nelson Celis – Comelec commissioner.
Mababatid na si Rodriguez ay nagbitiw na, at pinalitan na ni dating Chief Justice Lucas Bersamin.
Paliwanag ni Senate President Juan Miguel Zubiri, na siyang chairperson ng CA, na bigo ang body na matalakay ang appointments ng mga ito dahil sa kakulangan ng material time.
Ang unang sesyon regular ng Kongreso ay nakatakdang magbreak mula Oct. 1 hanggang Nov. 6.
Dahil dito, ang 15 na na-bypass na mga opisyal ay kailangan muling maitalaga ni Pangulong Marcos.
