Nagdangat sa kapin 13,147 ka mga indibidwal ukon 1.63% sang populasyon ang sa karon indi pa rehistrado base sa 2022 census and housing population nga datos sang Philippine Statistics Authority-Capiz.
Suno kay Rosiebelle A. Beluso, OIC- Chief Statistical Specialist sang PSA kag Prov. Statistics Officer, padayon sa gihapon ang PhilSys Birth Registration Assistance Project sang ahensya kun sa diin, may nagakadto sa mga kabarangayan nga mga birth registration associate nga maga-kuha sang impormasyon sa mga wala pa nakarehistro.
Panugyan naman sini sa mga wala pa nakarehistro ukon unregistered births kag late registrants nga magproseso na sang mga dokumento sa ila Local Civil Registry Office sa syudad ukon munisipalidad kun sa diin sila ginbun-ag bangud kinahanglan nga irehistro ang isa ka lapsag, 30 dias pagkatapos ini ginbun-ag sa.| Frances Joy Preciosa