Tuloy ang pamamayagpag ng mga atelatang Pilipino sa nagpapatuloy na 31st SEA Games sa Vietnam.
Ngayong hapon, nananatili pa rin ang Team Pilipinas sa ikatlong spot na mayroong 84 total medals – 20 ang gold medals; 27 silver; at 37 bronze.
Sa bowling, nakuha ni Merwin Tan ang kauna-unahang gold medal para sa Pilipinas matapos ang labing-isang taon sa Men’s singles event.
Sa fencing, iniuwi ng Women’s Espee Team at Men’s Saber Team ang tig-isang bronze medals.
Bronze medals din ang baon pauwi ng ating Men’s Tennis Team na kinabibilangan nina Francis Alcantara, Jeson Patrombon, Ruben Gonzales, Treat Conrad Huey, at Eric Olivarez Jr.
Umarangkada rin ang ating athletics team matapos makakuha ng bronze medal para sa Mixed 4x400m relay kasama sina Edgardo Alejan, Bernalyn Bejoy, Joymie Sequita, at Gisselle Lumapas.
Sa athletics pa rin, bronze din ang sinungkit ni Sonny Wagdos para sa Men’s 500m event.
Sa basketball, dinomina ng Gilas Pilipinas women’s team ang Indonesia sa iskor na 93-77.
Sa wushu naman, nag-uwi rin ng tig-iisang bronze medals sina Gideon Fred Padua para sa Men’s Sanda 60kg category; Divine Wally sa Women’s Sanda 48kg category; Clemente Tabugara Jr. sa Men’s Sanda 70kg category; at Francisco Solis sa Men’s Sanda 65kg category.
#
