Nagpanawagan ro labor sector na makipagbueoligan ro mga kompanya nga maipatuman ro minimum wage increase sa Western Visayas sa oras nga maaprubahan eon it National Wages and Productivity Board (NWPB) ro wage order sa rehiyon 6.
Matandaan nga gin-anunsyo it Department of Labor and Employment (DOLE-6) nga pataasan ro daily minimum wage it private workers sa non-agricultural, industrial ag commercial sectors kaeakip eon sa agricultural sector.
Sa mga agricultural workers, halin sa P410 nga minimum wage per day, magataas eon raya sa P315.
Sa non-agricultural, industrial ag commercial workers, halin sa P395 nga minimum wage per day, magataas raya sa P450 sa mga kompanya nga masobra sa 10 ro trabahador.
Bukon pa it pinal ro nasambit nga wage increase sa Western Visayas bangud nakadepende pa raya sa review it National Wages and Productivity Board. / ANN DESLENE SALAZAR
