Kinumpirma ng Department of Health na Clade II ang uri ng mpox na tumama sa 33-taong gulang na lalaki, na ika-10 kaso ng naturang sakit sa bansa.
Ayon ito sa natanggap na report ni Health Secretary Ted Herbosa mula sa Research Institute for Tropical Medicine.
Ang Clade II ay parehong uri ng mpox na naging naging sanhi ng mga outbreak noong 2022.
Saad ni Herbosa, muling idineklara ng World Health Organization (WHO) ang mpox bilang Public Health Emergency of International Concern (PHEIC) dahil sa pagtuklas ng bagong variant na clade 1B.
