Patay ang usa ka pulis homan nga malambigit sa aksidente ang gisakyan niini nga mobile patrol sa 1st Provincial Mobile Force Company tali sa usa ka Isuzu Forward Truck sa Purok Mirasoldos, Brgy. Cabantian, Magsaysay, Misamis Oriental.
Naila ang nakabsan sa kinabuhe nga si Patrol Clyde Retiquez, samtang samaran ang lima pa niini ka mga kauban sa sakyanan nga si Police Major Joel Salo, Police Staff Sergeant Manny Jefferson Valmoria, Police Senior Master Sergeant Eric Saburnido, Police Corporal Alexander Gonzales ug Police Corporal Mar Chester Geroy.
Sigun ni Magsaysay Municipal Police Station, Chief of Police, Police Captain Stephen Benbian Latar nga gikan sa base sa 1st PMFC sa Gingoog City ang mobile patrol, ug mupadulong unta sa Quarantine Control Point sa Brgy. Cabantian.
Duol na matud pa nga maka-abot sa destinasyon ang mobile patrol car dihang mibangga kanila ang ilang katabo nga Forward Truck.
Gi-ingong nawad-an sa kontrol sa pagmaneho ang driver sa Forward Truck nga si Christian Rey Dorango nga taga Villa Kanangga, Butuan City, Agusan del Norte, maoy hinungdan nga mibangga kini sa mobile patrol.
Kahibaloan nga adunay 12 ka tawo usab nga sakay sa Forward Truck diin polus kini anaa sa maayo nga kahimtang.
Sa karon, detinado na ang nahisgutang driver sa Forward Truck ug mag-atubang sa kaso nga Reckless Imprudence Resulting to Homicide, Physical injuries and damage to properties.
