Natanggap na ng Pilipinas ang kabuoang 1.8 million doses ng Pfizer COVID-19 vaccine na ibinigay ng gobyerno ng US sa pamamagitan ng COVAX facility.
Dahil dito, nasa 77,410,640 na ang kabuoang doses ng vaccine deliveries sa bansa.
Ayon kay vaccine czar Carlito Galvez Jr. dahil sa mahigit 77-million vaccine doses na natanggap ng bansa simula noong Pebrero, ay malapit nang mabakunahan ang kalahati sa mga eligible population.
Kaugnay nito, sinabi rin ng Chief Implementer ng National Task Force Against COVID-19, na marami pang bakuna ang inaasahang darating ngayong buwan.
Hanggang sa katapusan ng Oktubre, makakatanggap ang bansa ng kabuoang 100 million vaccine doses. //MHEL PACIA-TRINIDAD
