Nakatakdang isagawa mamayang ala-una ng hapon ang Regionwide Barangay at Sangguniang Kabataan Election (BSKE) forum ng Commission on Elections sa Isabela Convention Center (ICON) sa San Fermin, Cauayan City.
Ilan sa mga pag-uusapan sa nasabing Forum ay ang mga dapat at hindi dapat gawin bago ang nakatakdang paghahain ng Certificate of Candidacy (COC) sa August 28 kung saan pangungunahan ito ng speaker mula sa head office ng COMELEC.
Target din ng COMELEC na imbitahan ang mga kabataang nagnanais na maghain ng COC gayundin sa mga nais namang tumakbo bilang opisyal ng barangay.
Kaugnay nito, nakikipag-ugnayan na sa iba’t ibang stakeholders at ahensiya ng gobyerno ang COMELEC na magbibigay serbisyo sa pagdaraos ng halalan ngayong katapusan ng Oktubre.
