Kinumpirma ng NIA-MARIIS na nakatulong ang naranasang pag-ulan sa Lambak ng Cagayan upang mapataas ang lebel ng tubig sa Magat Dam nang hindi humantong sa critical level.
Inihayag ni Engr. Geliu Dimoloy ang Department Manager ng NIA MARIIS na bago ang bagyong Dodong ay nasa 162.9 meters above sea level ang tubig sa Magat Reservoir.
Kaugnay ditto, dahil sa ulang dala nito ay nadagdagan ng 1.7 meters hanggang 1.8 meters ang lebel ng tubig dahilan upang umabot na sa 164 ang water elevation nito.
Sa kabila nito ay patuloy pa rin ang rotational schedule ng pagpapatunig ng Magat dam sa mga sineserbisyuhan nitong irigasyon upang makontrol ang outflow at maiwasan na maging kritikal ang lebel ng tubig dito.
Kasalukuyan umanong mayroong pang 1,500 hectares ng sakahan ang hindi pa natataniman ng palay ngunit nasa 90,000 hectares na ang napatubigan.
