UNITY, transparency ug reliable news and information alang sa katawhan ang tumong ug tinguha sa gihimong signing of Memorandum of Agreement tali sa kapulisan ug Brigada Mass Media Corporation atol sa gihimong flag raising ceremony sa Police Regional Office 12 sa Barangay Tambler Gensan.
Mainitong gitagbo sa mga sakop sa Police Regional Headquaters ang Presidente ug CEO sa Brigada Group of Companies nga si Elmer V. Catulpos sa pagpanguna ni Regional Director PBGen. Jimili Macaraeg.
Gidayeg ni PBGen. Macaraeg ang pagkama-inubsanon ni Catulpos ug gipasamalamatan niini ang padayong suportang gihatag sa Brigada sa kapulisan alang sa pag hatag og saktong impormasyon sa publiko ilabi na ang hisgutanang peace and order.
Atol sa pakighibabi sa Brigada Kay General Macaraeg gibutyag niini nga napili ang Brigada nga mahimong partner dili lamang sa paghatag og saktong impormasyon apan apil na usab ang pag serbisyo sa katawhan. Gitimbaya ni Presidente CEO Elmer V. Catulpos ang gihimong lakang sa kapulisan nga mahimong parte sa ilang pagpanebisyo sa katawhan.
Gibutyag usab niini nga mas mamahimong hugot pa ang suporta nga ihatag sa Brigada ngadto sa kapulisan. I MJ Fernandez
