Nahuli na ang isang estudyanteng sangkot sa pagtutulak ng iligal na droga sa barangay Daramuangan Sur, San Mateo, Isabela, kahapon, ika-11 ng Agosto.
Kinilala ang estudyante na si alyas Shaoton, 18-anyos, estudyante at residente ng nasabing lugar.
Sa nakuhang impormasyon ng 92.9 Brigada News FM Cauayan sa Police Regional Office 2, nadakip ang suspek sa isinigawang anti-illegal drug buy-bust operation ng kapulisan.
Nakumpiska mula sa suspek ang ibinebentang pakete ng hinihilang tuyong dahon ng marijuana na may timbang ng humigit-kumulang na 50 gramo nagkakahalaga ng P6,000.
Sa ngayon nasa kustodiya na ng San Mateo Police Station ang suspek at nahaharap sa kasong paglabag sa RA 9165 o Comprehensive dangerous drugs act of 2002.
