Arestado ang isang drayber at nahaharap sa kasong pangingikil matapos ang isinagawang entrapment operation ng Tuguegarao City Police Station at Cagayan 1st Mobile Force Company sa Amulung, Cagayan.
Sa nakuhang impormasyon ng 92.9 Brigada News FM Cauayan sa Cagayan Police Provincial Office, kinilala ang naaresto na si alyas Ken, 37-anyos habang ang biktima nito ay si alyas Len, 53-anyos, biyuda at isang negosyante.
Una rito, nakipag-ugnayan sa kapulisan ang biktima matapos ilang beses umano itong pagbantaan ng suspek na ikakalat nito ang kanilang video sa social sa oras na hindi ito magbigay ng pera.
Salaysay ng biktima, nasa P25, 000 ang perang hinihiling aniya ng suspek upang hindi nito ipakalat ang naturang video.
Naging matagumpay naman ang isinagawang entrapment operation ng kapulisan kung saan tinanggap ng suspek ang marked money na nagresulta ng kaniyang pagkakaaresto.
