Patay an tulo ka tawo, mahuman magbunggoay an usa nga SUV ngan tricycle, ha National highway nga sakop han ha Brgy Cavite, Alangalang, Leyte, kakulop, Hulyo 28, 2024
Subay ha nakuha nga Impormasyon han Brigada News FM Tacloban, an mga na-awat an kinabuhi in tikang ha pito(7) nga sakay han di-pasahero nga tricycle nga gin mamanihuan ni “Elesio” samtang an drayber naman han SUV nga Montero in usa nga padi ha Ormoc City.
Ha inisyal nga imbistgasyon han mga otoridad ,nagbibiyahi an SUV ha Tacloban nga Direksyon ngan an tricycle naman in tikadto ha bungto han Jaro, Leyte kun diin pag-abot ha nasabi nga lugar natabo an makarima-dima nga aksidente.
Dead on the spot an usa nga sakay han nasabi nga tricycle samtang gin dara dayon ha hospital an 6 nga iba pa pero gin-deklara an duha nga dead on arrival.
Yana kapot na han Alang-alang PNP an driver han SUV nga para hin kadugangan nga imbistigasyon// Jason Delmonte
