Midahili ang yuta ug dakong sa kahoy natumba nga mitabon sa usa ka bahin sa karsada sa Sitio Tawagan 1, Sirao, dakbayan sa Sugbo kagahapon sa alas 2 sa hapon, Hulyo 15, 2024. Tungod sa maong panghitabo dunay mga motorista na delatar sa ilang pag byahe.
Nagtinabangay ang mga residente sa paghawan sa karsada aron makaagi ang motorista. Tungod kay naguba ang mga chainsaw sa Brgy Sirao. Sundang ug atsa ang gigamit sa pagputol sa dakong puno-an sa kahoy nga tubog.
Sa paghinabi ni Konsehal Epitacio Gabunada Jr sa Brgy. Sirao, mibutyag nga kusog ang uwan kagahapon ug dunay pagbaha sa dapit.
Matud ni Konsehal Gabunada, nasayud sila nga dunay mga plano ang kagamhanan sa dakbayan sa sugbo sa maong lugar niadtong tuig 2017, ang dapit nakasinate kaniadto og landsline.
Dugang ni Konsehal Gabunada nga gipaabot na lang sa ilang barangay ang pag-abot sa ilang kaugalingong heavy equipment ug ipa ayo ang chainsaw aron dili na sila mang huwam.
Personal nga gisusi ang nahitabo-an ni Harold Alcontin, pangulo sa Cebu City Disaster Risk Reduction and Management Office.
Gipadalhan sila og heavy equipment aron sa clearing operation lakip ang pagputol sa mga kahoy nga posibling makatabon sa dan nga makahatag og risgo sa mga tawo nga muagi.
Pasado alas 10 kagabii, Hulyo 15, 2024, laing pagdahili sa mga bato ug yuta ang nahitabo diha sa Sitio Maling,Barangay Malubog, Cebu City. Sa nahitabo-an, usa ka lane ra una magamit ang paingon sa Cebu City proper.
Sigon ni Juno Roble , ang Barangay based responder sa Malubog mitaho sa maong paghitabo. Hinoon walay naigo nga panimay o motorista.
Kahinumduman, niadtong Hulyo 21 sa milabayng tuig, nidahili ang yuta sa maong dapit hinungdan nga nitabon sa manindahay og buwak, swerte nga walay tawo naigo tungod nahitabo kini sa kagabhion.//
