Ginkumpirma ni President West Visayas State University (WVSU) Dr. Joselito Villaruz nga kwalipikadong magturo sa Criminal Law 1 si First Lady Louise Araneta- Marcos sa College of Law (COL) sa Academic Year 2022-2023.
Base kana, nag-agi sa tama nga proseso ro application ni Atty. Marcos bilang part-time professor sa College of Law ag uwa segun it nakikita nga rason para i-deny ro application ni Marcos.
Dugang pa nana, nagata-o sanda it patas nga oportunidad sa tanan nga mga applicants anuman ro andang political affiliation, gender, ag edad.
Pagsapinal pa ni Villaruz, ro WVSU hay sambilog ka academic institution ag bukon it political group, may mga patakaran ag proseso mga ginasunod ag indi eamang pwede bag-uhon raya para masabat ro partikular nga ginahinyo it mga grupo nga nagabalibad dikara./JIL B. LACSON
