KALIBO, AKLAN—Gindayaw it Western Visayas Regional Task Force to End Local Communist Armed conflict (RTF-ELCAC) do pagpatikasog it Philippine Army, Philippine National Police ag it local government ng Libacao, Aklan sa balik-gobyerno program para sa mga New People’s Army.
Suno kay RTF-ELCAC spokesperson Prosecutor Flosemer Chris Gonzales, indi kinahangean nga mag-intra sa mga kumunistang grupo para mangin maumwad do banwa bangud nga saea do anda nga kawsa ag do solomente eamang nga pamaagi para nga maangkon do minatuod-tuod nga kaumwaran hay do daean it katawhayan ag kaayusan.
Samtang, nagaeaom man si Atty. Gonzales nga do pagiging sinsero it gobyerno agud nga bag-uhon do kabuhi it mga returning insurgents hay do magiging daean ag pamaagi agud nga makumbinsi do iba pang aktibong rebelde ag supporters nanda nga mag-surrender eon.
Nasayuran nga kabilugan nga 32 former rebels kaibahan do 14 nga halin sa banwa it Libacao do sumuko sa tropa it gobyerno matapos nga indi eon maagwantahan do extortion activities ag do promisa it organisasyon nga owa natuman kun sa siin do pinakabata kara hay nagaedad it 16 anyos ag do pinakamagueang hay 59 anyos ag tanan hay mga mangunguma. // SHERRY ANNE REUNIR-VIDAL
