Gintaw-an it pagkilaea it Philippine National Police sa Western Visayas ro sangka pulis nga nabaril ag napatay sa sangka drug buy-bust operation ku Disyembre 2020.
Nakipagbuylog man sa kalisud ro Police Regional Office (PRO-6) sa himata ni PCpl. Felfranz Lumahang nga nagtanyag it anang kabuhi sa pagserbisyo sa mga Ilonggo.
Kung matandaan, binaril it owa pa nakilaea nga gunman si Lumahang sa Barangay Abilay Sur sa banwa it Oton sa Iloilo.
Nagpatigayun segun it operasyon si Lumahang nga nagpakuno-kuno nga buyer it iligal nga droga kat imaw hay mabaril.
Ginmanduan it Regional Police Office ro Iloilo Provincial Police Office nga pabaskugon ro imbestigasyon sa insidente ag tumuron ro identity it mga sangkot sa pagpatay sa pulis ag magpasaka it kaso kontra kanda.
Gindugang pa kara nga magabulig man raya sa pagproseso it mga benipisyo sa gobyerno para sa pamilya ni Lumahang. / ANN DESLENE SALAZAR
