Ginlunsar sa Western Visayas ro pangaywa nga vaccine rollout it mga booster shots kuntra sa COVID-19 virus.
Sa nasambitan nga vaccination rollout, ro mga priority recipient hay ro immune-compromised populations (ICPs) nga indi magnaba sa 18 dag-on, base raya kay John Richard Lapascua, senior health program officer t Department of Health (DOH) Region 6.
Ginhambae ni Lapascua nga ro pangaywa nga booster shot hay dapat ita-o it indi magnaba sa tatlo ka buean pagkatapos it pangatlo ka dose o una nga booster shot.
Ro mga local government unit nga may ensakto nga supply it bakuna hay pwede nga maglunsar it pangaywa nga booster shot sa andang mga rural health center o sa mga gintaeana nga vaccine centers./JIL B. LACSON
