Ginpaidaeom ro bieog nga rehiyon sa “high risk” classification bangud sa madasig nga pagtaas it mga kaso it ginatamaan it COVID-19, base raya kay Dr. Bea Camille Natalaray, spokesperson it Department of Health (DOH) sa rehiyon.
Sa tunga it Disyembre 31, 2021 ag Enero 13, 2022, ro two-week growth rate (TWGR) it Western Visayas hay nagtaas sa 1,717% halin sa negative 34.56 %.
Nagrekord ro rehiyon it kabieogan nga 4,507 ka mga kaso – mas mataas kaysa sa 248 infection nga narekord sa tunga it Disyembre 17, 2021 hasta Disyembre 30, 2021.
Ro mga probinsiya it Iloilo, Antique, Capiz, Guimaras, ag Negros Occidental ag siyudad it Bacolod hay ginaturing nga high risk samtang ro Aklan ag Iloilo City hay sa critical risk ku Enero 16.
Ku Enero 16, ro aktibong kaso it COVID-19 sa Western Visayas hay kapin sa 6,678 aktibong kaso.
* Aklan – 13,292
* Antique – 6,560
* Capiz – 10,098
* Guimaras – 3,238
* Iloilo – 35,376
* Iloilo City – 23,376
* Negros Occidental – 35,160
* Siyudad it Bacolod – 24,472./JIL B. LACSON
