Eksakto ro mga buffer stock it bugas sa Western Visayas, raya ro naging kumpirmasyon it National Food Authority (NFA).
Base sa datos it NFA, ro rice buffer stock it rehiyon hay pwede pa nga magbuhay it 12 ka adlaw.
Base man sa andang impormasyon, ro Western Visayas hay may kabieogan nga 696, 473 rice bags sa maeain-eain nga mga warehouse.
Sa namsabitan nga numero, 36,836 hay makit-an sa Aklan; 59,259 sa Capiz; 509,427 sa Iloilo; 26,884 sa Antique; ag 63,969 sa Negros Occidental.
May una man nga kapin sa 740,000 ka sako it paeay ro NFA sa maeain-eain nga bodega sa bioeg nga rehiyon.
Presente nga “surplus” ro mga buffer stock it bugas sa rehiyon.
Naga-asa man ro NFA 6 nga magataas pa ro buffer stock it Western Visayas sa masunod nga adlaw.
Sa datos it taeatapan nagakonsumo it 59,060 sako it bugas ro rehiyon adlaw-adlaw./JIL B. LACSON
