Gibutyag sa Davao City Police Office nga gihulat na lamang karon ang paggawas sa warrant of arrest batok sa mga suspek sa pagpusil patay kang kanhi Barangay 9-A Kapitan Roderico “Tata” Llubit.
Sigon kang DCPO spokesperson Police Capt. Rosario Aguilar, unom ka mga suspek ang takdang pakanaugan og WOA gikan sa korte.
Samtang gibutyag usab sa opisyal nga gitunol na sa DCPO ang P300,000 reward money ngadto sa 11 ka mga witness nga nihatag og impormasyon bahin sa mga suspek.
Ang maong ganti gikan kang Davao City 1st District Congressman Paolo “Pulong” Duterte ug Brgy. Catalunan Grande Kapitan January Duterte nga unang gitunol sa milabayng semana ngadto sa Talomo Police Station. BNFM-DAVAO
