LEGAZPI CITY – Dakop an 25-anyos na lalaki sa banwaan kan Manito, Albay sa salang pagbalgar sa RA 10593 o an Coconut Preservation Act of 1995.
Binisto an suspek na si Jomel Datur Dadea, daing agom, paraoma, asin residente kan P-5, Bgry. Cavit, Manito, Albay.
Segun sa report, naarestar kan personahes kan Manito MPS si Dadea sa paagi kan mandahamiento de aresto na isinerbi kan Hulyo 4, 2022.
Dinara an suspek sa Manito District Hospital para sa medical examination, asin pagkatapos isinurender sa Manito MPS para sa magkakanigong disposisyon.
Mientrastanto sa ibang bareta, binisto an Police Regional Office (PRO) Bicol bilang Best Police Regional Office dahilan sa mga akomplishmento ka ini sa lado kan law enforcement.
Niresibi kan PRO-5 Director na si Brig. Gen. Mario Reyes an award sa Camp Crame sa Quezon City. Ginibo an nasambitan na aktibidad sa pagseselebrar kan 121st Police Service Anniversary kasuodma, asin may temang “Matibay na Ugnayan ng Pulisya at Mamamayan, Tungo sa Pagkakaisa, Kapayapaan at Kaunlaran.”
