Ini-ulat ng Philippine Embassy sa Lebanon na walang Pinoy na nasaktan sa madugong shooting incident sa Beirut noong Huwebes.
Ayon sa embahada patuloy silang nakamonitor sa sitwasyon ng bansa at nakahanda sakaling may mga Pilipinong nangangailangan ng kanilang tulong.
Pinayuhan naman nito ang mga kababayan natin nagtratrabaho at naninirahan sa Lebanon na maging mapagmatyag at iwasan munang lumabas kung hindi naman importante ang lakad.
Ayon sa embahada nakataas pa rin sa alert level 2 ang restriction phase sa lugar dahil sa kaslaukuyang political-economic situation kasunod ng itinuturing na ‘deadliest civil violence’ sa Beirut simula noong 2008.
Nabatid na anim ang patay at marami ang sugatan matapos atakehin ng grupong Shi’ites ang Hezbollah supporters habang nagsasagawa ng protesta matapos tanggalin ang huwes na nag-iimbestiga sa nangyaring pagsabog noong nakaraang taon.
