Ginbawian sang kabuhi ang isa ka babayi matapos nabungguan sang topdown nga tricycle sa Barangay Lanot, Roxas City.
Sandig sa impormasyon nagikan sa Roxas City PNP, samtang ginasubay sang driver nga ginkilala kay Bernardito Aranzado, 63-anyos ang dalan nagikan sa Roxas City Proper padulong sa Barangay Loctugan hinali lang nga nagpatunga sa dalan ang wala makilala nga biktima.
Ginapahayag man nga may deperensya sa paminsaron ang nasambit nga babayi nga masami makita sa lugar.
Samtang, boluntaryo naman nga nagsungka sa kapulisan si Aranzado kag nagapabilin sa kostudiya sang Roxas City PNP para sa nagakaigo nga disposisyon.
Sa karon, yara pa sa morge sang isa ka ospital ang bankay sang biktima kag padayon pa nga ginakilala.| KMD Gicalde
