Nagapanguna ang banwa sang Panay nga may pinakamadamo nga kaso sang balatian nga dengue sa probinsya.
Sa pinakaulihi nga datos, sang Capiz Provincial Health Office- base sa provincial dengue case bulletin sumugod Enero 1 tubtob Hulyo 22, 2023.
Nagdangat na sa 384 ang numero sang nabalhag nga kaso, 82 ang gikan sa Panay; ginsundan sang Tapaz nga may 81; Roxas City – 76; Dao – 18; Dumalag kag Dumarao tig– 17; Pontevedra- 15; Sigma kag Mambusao may tig- 13; Panitan – 10; Jamindan kag Cuartero nga may 9; Pilar – 8; Ivisan -6; President Roxas -5; 3 sa Sapian; kag 2 sa Maayon.
Samtang ginpaidalum naman sa clustering ang 7 ka barangay sang Panay, 2 sa Roxas City kag isa sa banwa sang Dao.
Pinaka apektado nga age group sa amo nga balatian nga may 28.13% ang naga-edad 10 tubtob 19-anyos.
Padayon naman ang panugyan sang PHO sa publiko, nga sundon ang pag-obserbar sang 4s strategies batuk sa balatian nga dengue; Search and destroy, Secure self-protection, Seek early consultation kag Say yes to fogging. | KMD Gicalde
