NAGA CITY – Nagkaroon ng panibagong venue ng voter’s registration sa Naga City upang maiwasan ang paglabag sa health protocols.
Matatandaang nitong nagdaang araw ay dinagsa ang COMELEC Office ng mga humahabol na makapaparehistro na kung saan ay hindi napigiling magkumpulan ng mga nasa lugar at nalabag ang health protocol laban sa COVID-19.
Bilang tugon ng COMELEC, inilipat sa Robinsons Mall sa Diversion Road ang venue ayon kay COMELEC Officer Atty. Mico Julia nang sa gayon ay maiwasan ang hawaan ng COVID 19 lalo na nakapagtala ng 86 bagong kaso sa lugar kahapon.
Sa naging panayam ng Brigada News FM Naga kay Atty. Julia ipinayo nito sa publiko na maagang pumila bago matapos ang voter’s registration.
