NAKAPLAGAN sa usa ka farm laborer ang Unexploded Explosive Ordnance (UEO) Ctg, 81mm Mortar sa Purok 5, Barangay Little Panay sa syudad sa Panabo.
Sa report, samtang nanghagbas ang usa ka Bryan Donggila sa DOLE Plantation adtong Mayo 9, 2024 alas 3:30 sa hapon, iyang nakita ang maong butang.
Gumikan niini, dali kining mireport sa iyang nakita ug paspas nga girespondihan sa mga sakop sa Panabo City Police Station ug K9 team sa pagpanguna nila PSMS Rodelle O. Singson ug PCpl Jandy L. Lanes inubanan sa mga kapulisan ug nakigcoordinate kang Barangay Councilor sa Little Panay nga si Hon. Gomersindo Aplacador Jr.
Pahimangno na lamang ni Explosive Ordnance Disposal Technician PSMS Marion M. Carenosa ngadto sa publiko nga kung adunay makita susama niini, mamahimong mureport dayon sa PNP Hotline aron gilayong maaksyunan.