Pangos ug bun-og ang naangkon sa usa ka person with disability o PWD sa nagkadaiyang bahin sa lawas human nabanggaan og sakyanan kagahapon sa hapon sa Dacudao Buhangin Fly Over, syudad sa Davao.
Sa imbestigasyon sa Bajada Police Station, samtang patabok sa maong dalan ang mga biktima nga nailang sila Vicente Luciano samtang tuklod ang wheelchair sakay si Nazareno Maniwang, kalit na lamang sila nga nabanggan sa Suzuki Jitney nga gimaneho sa usa ka Christian Louie Villocorta Saguid, 31 anyos, ug residente sa Prk 1 Omila CMPD Tagum City.
Gumikan sa impak, nangatumba sa dalan ang duha ug nakaangkon og mga samad.
Dali hinoon nga gitabang ang duha ka pedestrians sa mga medic sa Brgy.19-B Davao City apan mibalibad ang mga biktima nga magpadala sa SPMC.
Samtang ang driver ang gikustodiya sa Bajada Police Station alang sa tukmang disposisyon.