Nagkasundo ang Pilipinas at Vietnam para sa limang taong pagsusupply ng bigas sa bansa.
Ito ang laman ng memorandum of understanding o MOU on Rice Trade Cooperation na nalagdaan sa pulong nina Pangulong Bongbong Marcos at Vietnam President Vo Van Thuong.
Sa ilalim ng 5-year trade commitment, maglalaan ang private sector ng Vietnam ng 1.5 milyon hanggang 2 milyong metriko tonelada ng bigas kada taon para sa private sector ng Pilipinas na competitive at abot kayang presyo.
Bukod sa rice trade, inaasahang magpapalitan din ng impormasyon ang Pilipinas at Vietnam sa mga patakaran, plano at regulasyon, at iba pang aktibidad na may kinalaman sa rice-trade.
