NAGLIBOG ang mga vendors sa ilang hukom kon dawaton ang gitanyag sa principal sa eskwelahan nga consignment.
Oktubre desisyete sa buntag nagtagbo ang vendors ug opisyal sa Deped Gensan sa sulod sa Fatima Central Elementary School aron pangitaan ug kasulbaran ang reklamo sa mga vendors nga gipahawa sa principal.
Human sa panagsabot nga gihimo sagul ang reaksyon sa mga vendors pag gawas sa eskwelahan adunay daw sa nalipay nga makatinda pa sila pinaagi sa consignment ug aduna usab nalibog.
Kahibaluan nga unang nagreklamo ang 18 ka vendors human sumala pa sila gipahawa sa ilang pwesto unya gipaguba ang building kung asa sila naga pwesto tungod kulob ang ilang kaldero.
Ang gusto sa principal nga sila mag consignment nga wala usab nila na gustohan
hangtud nakaabot sila sa Brigada sa ilang reklamo nagalaum sila nga pabalikon sa pag tinda apan ang gitanyag sa principal nga solusyon mao ang consignment.
Ang School PTA president nga si Sammer Badtigan gihasolan usab sa problema ug naluoy sa mga vendors mao nga nagpasalamat sa presensiya sa taga DEPED
Sa karon naga duha-duha pa ang mga vendors kon mouyon sa gusto sa principal nga sa matag adlaw tulo lang kanila ang tugotan nga makatinda sulod sa eskwelahan samtang wala pay gambalay alang sa vendors. I Ver Diazon
