Positibo si vaccine czar Carlito Galvez Jr. na ang mandatory na pag-gamit ng face masks ay posible nang tanggalin sa huling quarter ng taon.
Una nito, pansamantalang inirekomenda ni Galvez, na siya ring National Task Force against COVID-19 chief implementer, ang pag-gamit ng double mask dahil sa mga dadagsang supporters ngayong campaign period.
Ayon sa vaccine czar, sa gitna ng patuloy na pagbaba ng COVID-19 infections, pinag-aaralan na ng gobyerno ang posibilidad na pagdowngrade ng alert level sa National Capital Region (NCR) sa Alert Level 1.
Mababatid na sa ilalim ng Alert Level 1, ang lahat ng mga establisyemento, tao o aktibidd ay pinayagapan nang mag-operate, magtrabaho, full on-site o venue/seating capacity sa kondisyong masusunod ang minimum health standards. //MHEL PACIA-TRINIDAD
