PABILING tanggong sa selda sa Philippine Drug Enforcement Agency (PDEA) 12 ang usa ka drayber sa van human nasikop sa drug buy-bust operation sa Purok Progressive, Barangay Maribulan, Alabel, Sarangani Province.
Giila ni Aileen Lovitos, regional director sa PDEA-12 ang dinakpan nga si Aljabre Sambaga alyas Tonton, 29-anyos nagpuyo Purok Sumimba, Barangay Sapu Masla, Malapatan sa nasangpit nga probinsiya.
Matud ni Lovitos, si Sambaga ang lakip sa ilang target-listed drug personality, dili lang sa probinsiya ang operasyon niini kung dili hangtud na sa GenSan. Mokabat sa upat ka putos sa gituohang shabu nga dunay ginbug-aton nga pito ka gramo nga nagkantidad og P47, 600 ang nakumpiska sa dinakpan.
Napasaka na usab sa ahensiya ang kasong pagsupak sa Republic Act 9165 o Comprehensive Dangerous Drugs Act of 2002 batok sa dinakpan. I Richel Gubalani