GI-RESHUFFLE ang lima ka ranking police officials alang sa bag- re-organization sa Police Regional Office (PRO) 12, butyag ni Brig. Gen. Jimili Macaraeg, regional director.
Base sa order nga gipagula sa Regional Personnel Record Management Division (RPRMD), gibutang si Col Deanry Romualdo Francisco isip bag-ong provincial director sa Sarangani Provincial Police Office (SPPO) isip hulip ni Col. Nicomedes Olaivar Jr. Samtang si Olaivar, gibutang isip bag-ong labaw sa Regional Logistics and Research Development Division (RLRDD). Gikan sa RPRMD gibalhin si Col. Maximo Sebastian Jr, isip bag-ong labaw sa Regional Mobile Force Battalion (RMFB) 12.
Gihulipan ni Sebastian si Col. Eric De Venancio nga karon labaw na sa Regional Comptrollership Division (RCD). Lakip sa naapel sa paglahugay mao si Col. Leo Sua nga gikan sa Regional Logistics and Research Development Division (RLRDD) siya na karon ang bag-ong labaw sa RPRMD.
Matud ni Macaraeg, mahitabo ang turn-over ceremony sa mga opisyal karong semahana. Ang nahitabo nga paglahugay ang kabahin sa ‘usual’ reassignment sa opisyal sa PRO-12. I Richel Gubalani