Gihugtan pa sa lokal nga panggamhanan ang pakig-alayon sa ubang sector aron amtubag ang vaccine hesitancy sa mga residente sa lagyong barangay sa syudad sama sa mga Lumad.
Kini nunot sa malampusong consultative meeting sa mga miyembro sa mga katutubo sa Barangay Magsaysay, Marilog District nga gipangunahan sa City Vaccination Cluster ug Public Safety and Security Command Center o PSSCC.
Sumala kay PSSCC Chief Angel Sumagaysay, kakulangon sa saktong impormasyon nga nagresulta sa pag-alanganin sa mga reisdente hinungdan nga gihatagan dayon kini og pagtagad saCity Health Office Vaccination Cluster ug Marilog District health Officers.
Dako usab matud pa ang impluwesiya sa mga lider sa simbahan sama sa mga pastor nag nagpugong sa mga myembro nga magpabakuna busa lakip sa gipatawag sa consultative meeting ang pito ka religious leaders sa lugar aron ipasabot kanila ang importansiya sa bakuna.
Kahibaluang nisalmot sa maong panagpulong ang mga tribal leader, Indigenous People Mandatory Representative (IPMR), mga datu, Bagani Forces, mga Kapitan, ug National Commission on Indigenous People (NCIP) Provincial Officer.
Malaumon ang health ug security sector nga pinaagi sa maong tigom mabag-o ang pagpanglantaw ug mapapas ang pagduda sa ubang residente bahin sa pagpabakuna batok sa COVID-19. BNFM-Davao
