Na aresto ru sangka 29 anyos nga eaeaki matapos serbihan it warrant of arrest it mga kapulisan sa Rizal St., Kalibo, Aklan kahapon.
Nakilaea ru wanted person nga si Jaymark Francisco, residente it nasambit man nga lugar.
Nag pangatubang it kasong pag-eabag sa Article 151 o Resistance and disobedience to a person in authority.
Gin serbe ru warrant of arrest it Kalibo Municipal Police Station sa wanted person, criminal case no. 2028 –A nga permado ni Presiding Judge Alicia Cruz Barrios, Municipal Trial Court Kalibo nga may petsang Nov. 3, 2021.
Naga balor it P2,000 ru pyansa it wanted person para sa temporaryong kahilwayan.
Sa makaron, kulong si Francisco sa Kalibo MPS para sa naga kaigo nga disposition.//MARIVIC Y. ILIN
