Tinitiyak na ng Local Vaccination Operations Center o LVOC ng Olongapo na hindi nagbayad ng pera ang mga foreign nationals na magpapabakuna kontra corona virus disease.
Ito ay pagkatapos na malamang may isang indibidwal sa lungsod ang kumakausap sa mga foreign national, kinukumbinsi na magpabakuna at sinisingil ng bayad.
Ayon kay City Health Officer Dr. Doods Bustamante, tinatanong na sa screening section ng vaccination site ang mga ito kung may binayaran kapalit ng pagpapabakuna at inaalam ang pagkakakilanlan ng fixer.
Sa ngayon, hindi pa nakikilala ng LVOC ang tinaguriang Mr. Fixer pero tiniyak ni Bustamante na hindi na nito mauulit pa ang ginawang modus.//Christian Andres-BNFM OLONGAPO
Photo Courtesy: Olongapo City Information Center
