Muling nanguna ang University of Santo Tomas (UST) sa UAAP matapos kilalanin bilang Season 86 overall champion sa closing ceremonies ng liga kahapon sa Mall of Asia Arena.
Nakapagtala ang UST ng 332 points sa collegiate level at 257 points sa high school level, dahilan para sila hiranging overall champion.
Ito rin ang 47th overall general championship ng paaralan sa collegiate division at ika-23 sa high school ranks.
Ilang sa mga napalanunang kampeonato ng UST sa collegiate division ang women’s basketball, men’s table tennis, women’s taekwondo, poomsae, men’s and women’s beach volleyball, men’s tennis, men’s chess, at women’s 3×3 basketball.