GIPANGUNAHAN ni Sarangani Governor Rogelio “Ruel” Pacquiao ang Second Provincial Liga ng mga Barangay( LnB) Sarangani Chapter Meeting adlawng Huwebes, Hulyo 14, 2022 sa usa ka kan-anan sa Brgy. Lagao, General Santos City.
Sa maong meeting nga gitambungan sa mga barangay captain sa probinsya sa Sarangani, gipresenta ni Gov.Pacquiao ang mga plano niini nga gustong mapatuman sulod sa iyang pagdumala.
Gani, aron mahatagan og katumanan ang tanang mga plano, ipahigayon ang maong meeting kada bulan.
Gituki sa panagtigom ang mga kakulangon sa mga barangay sa probinsya nga angayang mahatagan og igong kasulbaran.
Lakip usab nga gipadangat ni Pacquiao ang flagship program sa iyang administrasyon nga Sarangani Ronda Probinsya.
