GIKWESTYON sa usa ka kompanya sa mga sakyanan ang kalangay sa LGU Gensan sa pag-apruba sa Notice of Award human nga sila ang nigawas nga lowest bidder atol sa proseso sa bidding sa 17 ka rescue ambulance nga planong paliton sa syudad ug ipanghatag sa mga barangay.
Sumala sa usa ka personahe sa usa ka branch sa dakung kompanya sa sakyanan nga nakabasi sa Commonwealth Manila nga nagpatawag lang sa pangalan nga Benjo gikwestyon lang nila kung ngano nga nalangay ang proseso nga kumpleto man ang ilang mga dokumento unya sila ang lowest bidder.
Gidugang ni Benjo nga sige sila follow up sa Bids and Awards Committee apan ang kanunay ginasulti naa sa admin naa kay City Administrator na daw,ang gikahadlokan sa taga kompanya nga molampas sa 120 days nga duration.
Gidugang ni Benjo nganong gipadugay dugay basin adunay something wrong, anaa pod daw silay nasayran nga impormasyon nga adunay preferred supplier.
Samtang sa kabahin sa mao nga pagkwestyon sa kalangay sa proseso human sa bidding sa 17 ka rescue ambulance gitubag kini ni City Administrator Atty. Arnel Zapatos sa paghinabi sa 89.5 Brigada News FM Gensan.
Sumala kay Zapatos tinuod nga adunay plano ang syudad nga mopalit og rescue ambulances alang sa mga barangay unya adunay nagreklamo gumikan nalangay ug wala gayod napadayon.
Ang rason daw niini naabtan sa pandemya ug tungod niini adunay gipang- revert nga pondo nga kinahanglanon sa pagrespondi batok sa COVID-19, dili ma-insakto ang kwarta sa 17 ka ambulances initially nahimo nalang 14 hangtud 11 nalang ka sakyanan.
Gidugang ni Zapatos nga naproseso na sa Special BAC pero wala gidayon kay dili maabot sa kwarta, kulang ang kwarta mao nga wala na gidayon.
Gikumperma usab ni Zapatos nga adunay nagreklamo bisan sa 8888 kay dugay nilihok kay naabtan sa pandemya, unya napailawom sa Enhance Community Quarantine Status ang syudad unya napailawom sa General Community Quarantine Status ug anaa sa mga tulo ka bulan nga dugay nakalihok ang proseso hangtud nagamit ang kwarta para sa pagpalit og ambulansya ngadto sa Anti Covid Response. ungod niini wala na nag-prosper ang reklamo sa 8888 kay nakahatag na sila og tubag niini. ( Ver Diazon)
