Uumpisahan na ng Estados Unidos ang inokulasyon kontra COVID-19 ng mga bata na 5-11 taong gulang ngayong linggo.
Sinabi ng White House na ipadadala sa iba’t-ibang distribution centers sa US ang tinatayang nasa 15-million COVID-19 vaccines na pwedeng magamit sa nasabing age group.
Ayon sa White House, imbis na sa vaccination centers ay gagawin ang rollout sa pediatrician offices, children’s hospitals at pharmacies.
Una nang tiniyak ng US officials na nasa 50-million doses ng Pfizer vaccine ang binili ng federal government para sa roll out, na inaasahang gagamitin sa 28-million eligible children.
