Naka angkon it 35 nga tamat pag-eabo ag pagbuno sa naga kasari-saring parte it kaeawasan ru biktimang sangka construction worker nga si Benedic Garzon., 37 anyos.
Nasayuran nga bago ru brutal nga pag patay sa biktima, nakipag-inuman pa sa asawa it cook ag kat mapan-uhan nga haeos sagad eon sa pag-inom hay nag-uli sa anang gina dayunan nga panimaeay para magpahuway.
Gina patihan nga sinueod it uwa makilaeang suspek ru biktima samtang naga katueog.
May posibilidad nga nag-agi ru suspek sa likod nga portion it anang panimaeay.
Eagi man nga gin report it pilang ka mga residente sa Ibajay MPS ru kahimtangan it biktima rason nga eaging gin respondehan ag naghimo it maid-id nga imbistigasyon.
Kun matandaan, si Benedic Garzon hay naga panarabaho bilang construction worker sa proyekto it DSWD KALAHI-CIDSS sa municipalidad it Ibajay.//MARIVIC Y. ILIN
